OMUPOPILIKO gwEtanga lyoPolisi yaNamibia Chief Inspector Kaunapawa Shikwambi okwa ti egameno na li kale olyo oshinima shotango nosha simana kaantu ayehe pethimbo ndika lyomatango omanene.

“Omuntu shaampoka wu li nenge to ende pokuma kala wa mona kutya owu li pehala li na egameno. Ino kala pomahala ga nika oshiponga.

“Mboka tamu zi po shilipalekeni kutya omagumbo omwe ga pata nawa nomwa lombwela aashiinda kutya omwa za po, aapolisi yopomudhingoloko naya tseyithilwe wo opo ya kale haya patolola po.

“Mboka tamu hingi hingeni nawa noku landula omalombwelo gomoondjila ethimbo alihe.

“Opolisi itayi yi nando omefudho, aluhe opo tatu kala tatu longele oshigwana noku tula po oompango nelandulathano.

“Oongodhi odha patuluka ethimbo kehe: ongodhi yaapolisi yotalafika oyo 0851278000, ongodhi yoMVA Fund oyo 0811682, ongodhi yopolisi yosheendelela oyo 10111, ongodhi yopolisi yokutumina ko uutumwalaka uufupi (SMS line) oyo 941.

“Okilismesa nayi mu yambekelwe nomumvo omupe 2020 nagu kale gwelago.”