Opolohalama yedina Pitch for Resilience oyo ya nuninwa ovanangeshefa vopedu oya fika mOshikango.
Opolohalama ei oya ninga omafiku mOndangwa, omo ya yandja mo omakwafo oshimaliwa kovanangeshefa ve li 17.
Fiyo opapa opolohalama ei oya yandja omakwafo oshimaliwa kovanangeshefa ve fike po209.
Opolohalama ei tai wilikwa kehangano ledina SMEs Compete otai ende oshilongo ashishe tai kufa eedoolopa mbali moshitukulwa keshe, omo ovanangeshefa va dengwa nai konghalo yoCovid-19 tava ningi omaindilo opo va yambididwe noshimaliwa.
Ongeshefa opo i dule okuya mo mopolohalama ei otai pulwa i kale ya totwa moule weedula nhatu ile di dulife po, yo oi na ovanailonga ve dulife pu umwe.
Oshimaliwa eshi tashi pewa ovanangeshefa osha longekidwa kehangano laNdowishi ledina GIZ.
Mefano: Ovatokoli (adjudicators) ovo ta topola oshimaliwa shoPitch for Resilience mOndangwa mexuliloshivike ladja ko.
