Omauliko oipindi edina Ohangwena Agri-food Confex a ningilwe mEenhana momafiku 10 fiyo 13 Aguste okwali a etelela yoo noutwishi.
Omauliko oipindi aa okwali a longekidwa kElelo lOshitukulwa shaHangwena, nokwali e na elalakano loku eta ovanangeshefa vomoshikondo shounafaalama woimuna osho yoo woikunino opo va mone omhito yoku shakena novayandji vomakwafo moshikondo shounafaalama ovo hava longo mepangelo nomoikondo yopaumwene va topolelafane omayele nounongo nghe ondjala mOhangwena noshilongo ashishe i na oku dudwa mo.
Vo ovanangeshefa ovanaimuna novanangeshefa ovanaikunino tava mono yoo omhito va ulike oilikolomwa yavo koshiwana.
Ovanangeshefa voimuna kwa li va holoka okwali tava ulike oimuna ei ishona ngaashi oikombo neexuxwa, omanga voilonga yomapya noikunino va etelela omakunde, oilya, omatanga, oimeno yokukuna momaumbo, osho yoo eenhanga naihapu.
Ashike omunangeshefa umwe okwali a etelela yoo outwishi nokwa kala ta landifa ngaho outwishi keedola omulongo mokakopi.
Mefano: Omupedu Minista wOshikondo shOimuna, Oimeno, Omeva nOmadu meme Anna Shiweda ota lande outwishi vae omanga tate Gavena waHangwena Walde Ndevashiya ta makele mo yoo moutwishi vofelefenda.
