Omupresidende Hage Geingob ngoka a li a hulitha mOsoondaha yomasiku 4 gaFebuluali ota ka fumvikwa mOsoondaha yomasiku 25.
Ndhika odha popiwa komugandjimulombo omukuluntu gwepangelo ngoka oye wo Minista yOmauyelele nOmakwatathano goPaungomba meme Emma Theofelus.
Efumviko lyomuleli gwaNamibia ota li ningwa konima yiiwike itatu okuza sho a huluko.
Inaku tseyika natango kutya Dr Geingob ota ka fumvikwa peni oshoka nonando omulandu gwepangelo otagu ti kutya aakondjelimanguluko aanene oye na oku fumvikwa mOmawendo gOmapendafule mOvenduka, nakusa Geingob otaku tiwa okwa li a popi ye mwene kutya okwa hala oku fumvikwa kaandjawo ngele a hulu ko.
Methano: Omupresidende-kwali gwaNamibia Dr Hage G. Geingob.
