Ehangano lyoombaanga dhaNamibia, oBankers Association of Namibia (BAN), olya tula miilonga meme Dantagos Naomi Jimmy a ninge omukuluntu-wiliki gwalyo okuza mulyotango lyaJuli.
Jimmy okwe etelele uunongo nowino woomvula omilongo mbali e wu likola miilonga yomapungulo goshimaliwa nomagandjo gomayele miikondo ya pamba oongeshefa.
Oye wo omutameki po gwongeshefa yedhina Ndapunikwa Investment Management (Pty), nokwa kala noondondo dhopombanda miilonga ngaashi moBank of Namibia, Alexander Forbes Investments, noUG Securities.
Iilonga ye ohayi ulike e yitulomo muunongononinduluki, iilonga ya tyole, osho wo oshilonga shomungundo moshikondo shiimaliwa yoshilongo.
Jimmy oku na uulongelwe wo BSc mo International Management waza ko La Roche College, koAmerika. Ngashiingeyi oti ilongele onkatu yelongo lyopombanda yoMSc moDevelopment Finance koshiputudhilo shopombanda shaNamibia, oUniversity of Namibia.
Jimmy oku na wo oMBA moGeneral and Strategic Management yaza ko Maastricht School of Management moNetherlands, nokwa mana wo edheulo lyopombanda okupitila moSenior Management Development Program koUniversity of Stellenbosch Business School moSouth Afrika.
Kondje yeilongo, Jimmy okwa longo oshindji shi na sha newiliko ewanawa miikondo ya looloka, nokwa kala omukuluntu-wiliki gwelelo lyopombandambanda momahangano ngaashi Simonis Storm Securities, TransNamib Holdings, Namibia Health Plan, noAllan Gray Namibia.
“Otwa nyanyukwa sho tatu taamba ko Meme Jimmy a ninge omuwiliki gwoBAN,” osho a ti Dr Ester Kali ngoka e li omunashipundi gwelelo lyaBankers Association of Namibia.
“Uuwiliki we, neuvoko lye moshimpungu shiimaliwa otayi kala ya simana mokulongela kwe oBAN, noku liyambula po li ye pombanda.”
Methano: Meme Dantagos Naomi Jimmy.
