Uukolonkadhi-Ruacana Conservancy, ano oshikunino shokugamena iinamwenyo yomokuti, osha pewa omakwatho gongushu yoshimaliwa shi thike poomiliona yimwe oshinkwanu heyali.
Ekwatho ndika lya gandjwa okupitila mUuministeli wOmudhingoloko, Iihwa nOmatalelopo, opamwe nomahangano gaNdowishi oKFW noGIZ, oga kwatela mo eningululo nawa lyoopomba dhomeya dhi li ne moshikunino shika, osho wo oongodhi mbali dhopeke.
Yamwe wo mboka ya pewa omakwatho nga ngaka oyo King Nehale Conservancy, North Central Lion Rangers Programme, Uukwaluudhi Conservancy, naSheya Shuushona Conservancy.
Sheya Shuushona Conservancy okwa pewa wo ekwatho lyoshimaliwa shi thike poN$1,7 million shoka sha longithwa oku fula omboola yimwe oshowo oku ningulula mbali dhali po nale, e taya mono wo uulamba woku tidhitha oonkoshi wu li 20.
Etseyitho lyomakwatho ngaka olya li lya ningilwa mOshakati nena.
Methano: Aanambelewa yoUukolonkadhi-Ruacana Conservancy taya pewa omakwatho gawo kuMinista wOmudhingoloko, Iihwa nOmatalelopo meme Indileni Daniel, e li kolulyo.
