kuMartin Negumbo/
Omuhikingalo Fillemon Kadhimo (Cray-zie1) naye a ponokela mowela noalbuma ompyu tayi ka pita kuyele omumvo nguka.
Oongalo moshigwana shaNamibia odhi li oshinima sha simana notadhi dhana onkandangala. Ano okamatyona haka oka ningi etokolo ka longithe oshitalendi shako moku pita ko noalbuma yako yotango ndjoka yedhina “Tonandj’oomvi”.
“Oalbuma ondeyi luka ngeyi ‘Tonandj’oomvi’ kokutya mpoka nda puka pukulula ndje,” Cray-zie1 ta ti.
Nonande Cray-zie1, ngoka ha yambuka pomikunda dhopopepi nEheke, okuhika oongalo opo e ku tameke, noalbuma ye ndjika oyo yotango, ota ulike omulilo omwaanawa oshoka oongalo dhe odhi na omatumwalaka ga yela notaga tungu oshigwana shokomongula.
OkaCD kaTonandj’oomvi okahumbata uungalo wu li omulongo mwa kwatelwa ngaashi Economy ta kwathelwa ku Kotta Kambwana Kandjafa, Oshikulumbwati ft Jordan, Ehokololo ft Lazo PK Lizo, Ondjila, Oluhepo, Success, Aamwamene ft Xiddoh, Mama naPapa” ft Tate Zetta, Gwanakufu, Omutumwa ft Mashaba.
Nakamwe ka gwedhwa po onga ofelefenda yaamboka taya ka landa oalbuma oyo tuu ndjika ombwanawa.
Methano oye Cray-zie1.
