Omutoolinkundana gwaFilippines oye a pewa esimaneko lyuutoolinkundanaidhingi muuyuni lyoUNESCO Guillermo Cano nuumvo.
Esimano ndika ohali gandjwa omumvo kehe mesiku lyuuyuni lyemanguluko lyiikundaneki (World Press Freedom Day) ndyoka hali dhimbulukiwa momasiku gatatu gaMei.
Meme nguka gwedhina Maria Ressa okwa pewa esimaneko nuumvo molwa iilonga ye yuutoolinkundana sho a kala ta longele momudhingoloko gwa piyagana nogwa nika oshiponga.
Iikando oyindji meme Maria okwa kala ha ningilwa omatilitho kaanambelewa yepangelo lyoshilongo shaandjawo molwa iilonga ye yokukonaakona iimbuluma tayi ningilwa aakwashigwana kepangelo.
Esimano ndika lyoGuillermo Cano olya lukilwa omutoolinkundana gwedhina Guillermo Cano Isaza gwoshikundaneki shedhina El Espectador shomoshilongo Colombia ngoka a li a dhipagelwa mepandaanda poombelewa dhe momumvo 1986.
| Aatoolinkundana yalwe mboka ya pelwe esimaneko ndika ongaashi:
Omumvo Nakusindana Oshilongo
2021 Mari Ressa Filippines
2020 Jineth Bedoya Lima Colombia
2019 Kyaw Soe Oo naWa Lone Myanmar
2018 Mahmoud Abu Zeid Egypt |
|
