Omukuluntuwiliki gwOmbaanga yUunamapya-nuuniimuna (Agribank), Dr Raphael Karuaihe, ngoka opo a li a pewa iilonga yuuwiliki wombaanga ndjika iiwike iyali ya piti, okwa li a yi koGobabis momasiku 19 Januali 2022, hoka a ninga oshigongi naanafaalama osho wo aawiliki yiikondo ya pamba uunamapya nuuniimuna.

Karuaihe ngoka a li a popi kutya omasiku ge gopetameko lyiilonga ge li ethele otaga ka kala konyala goku kutha omalweendo gokupulakena kaanafaalama, okwa li nduno a ningi oshigongi shotango moGobabis, shoka sha li sha kalwa kaawiliki yiikondo nomahangano ngaashi:

Elelo lyOshitopolwa shaMaheke; Omahangano gAanafaalama; oNamibia Agronomic Board; Meat Board of Namibia; NAMPOL Stock Theft Unit; Uuministeli wUunamapya nUuniimuna Omeya, nEtopolululo lyEvi; Uuministeli wOmudhingoloko, Iihwa nAatalelipo; Elelo lyOmukunda gwaWitvlei; osho wo Namibia Biomass Industry Group.

Methano: Oshigongi shaAgribank pamwe naanafaalama mOmaheke.