Advertisements

Omakwatonkonga guunona naga fulilwokalambo

kuMartin Negumbo |

Omathimbo ga piti omakwato koonkondo gaanona aashona oga li ga fa omashona lela, ihe mongashingeyi oge li pombanda to hala u tye otaga endele pamwe noondando dhiilandomwa mbyoka ya gwedhelwa.

Onkalo yomuntu omukokele ta kwata okanona okashona koonkondo oshinima tashi yemateke na otashi nyanyagula po oshigwana shokomongula nosha pumbiwa opo ku mbilikwe mbala iimbuluma yoludhi nduka.

Omuntu oto nyengwa oku mona eyamukulo kutya ngiika oshike hashi thiminike omuntu wa koka opo wu ye momilalo nokanona ke li kohi yomimvo 10! Kushi nee ngele omuntu oha ningile owina nenge pamwe uuvu ngaa hawu adha aalumentu.

Opo ku yandwe omakwato koonkondo ngaka pauhupi woondunge dhandje onda dhiladhila opo ku yiwe muule waashika pamukalo goku gandja omageelo ga ponda.

Oshikondo shuuyuuki mekwatathano noshikondo shegameno lyoomeme naanona oya pumbwa oku longela kumwe opo ya nkondopeke egeelo lyaamboka haya ningi omiyonena ndhika.

Aaningi yiimbuluma mbika iitilithi otaya tsikile okukwata aantu koonkondo omolwa yakwawo mboka ya tamekele oku kwata koonkondo ya kala ashike haya pewa uugeelo wa nathangwa naashika osha gandja oonkondo kwaambaka taya tsikile nasho.

Otashi kala oshiwanawa ngele taku gandjwa omageelo omanene ihe naku ningwe omakonakono gomondjila noga dhindika opo ku yandwe ekwatopo lyaantu taya lundilwa.

Aalumentu natu idhidhimikeni opo tu yeni moohole naamba yomapipi getu opo tu yandeni oondjedhililo inaadhi tegelelwa. Etatu ndjekiipo wo uuyuuki moshigwana shetu.

Otandi ka pandula ngele aalumentu haya kwata uunona uushona taya lundulula onkalo ndjoka.

– Martin Negumbo oye omukuluntuwiliki gOmutumwa mOshiwambo. Ota adhika ko0813773399.