Minista gUuhaku nOnkalonawa yOshigwana Dr. Kalumbi Shangula okwa li a pandula iilonga ya longwa koondohotola dhAachina ndhoka dha li dha longele moNamibia uulethimbo womvula noomwedhi hamano dha yi.
Oondohotola ndhika odha li dhongundu onti-14 okuza nkene China a tameke okutuma oongundu dhoondohotola koNamibia okuza momumvo 1996.
Ongundu ndjika sho tayi shuna ngeyi koshilongo shawo, otaku zi ongundu onkwawo ndjoka tayi kala oyo ongundu onti-15 yoondohotola dhaChina tadhi longele moNamibia oku kwatha Aanamibia.
Dr. Shangula okwa ti okwa pandula unene sho ongundu ndjika onti-14 ya li ya thiki pethimbo edhigu lyoCovid-19 e tayi kwatha Uuministeli wUuhaku mokukondjitha omukithi nguka.
Methano: Dr. Kalumbi Shangula, osho wo omukuluntu gwoshipangelo shaKatutura Dr. Nelago Amagulu, otaya monika ye li nayamwe yomoondohotola osho wo aakalelipo yaChina koNamibia.
