Aasita osho wo aagundjuka yongeleka yedhina Pentecostal Protestant Church oya li ya fala evaangeli kEpupa mehuliloshiwike ndika lya zi ko.
Aauvithi yOhapu yOmuwa oya li ya za kOshakati, Onhanadi, osho wo kOpuwo, e taya longo iilonga yaKalunga moshitopolwa shoka shaakwashigwana yomuhoko gwAahimba.
Okandoolopa kedhina Epupa, ihe aakwashigwana yahoka ohaya ti Otjipupa, ke li komulonga gwaKunene hoka ku na egwo lyomeya lya simana nohali eta aatalelipo ya za kiilongo yokokule unene ngaa iilongo yaatiligane, oka li ke ya omwenyo molwa ohapu yomwenyo, ano ohapu yOmuwa ndjoka ya li ya eta ooitaali moka okuza etitano sigo osoondaha.
Miilonga mbyoka ya longwa omwa li mwa kwatelwa oshilonga sheninginitho lyaantu yatatu.
Eninginitho olya li lya ningilwa momulonga.
Methano ndika: Ooitaali oya gongala pomulonga gwaKunene sho aashashwa taya ninginithwa.
