Uuministeli wIikwameni lyOshilongo, Ekondololo lyoKoongamba, nEgameno lyOshigwana (Home Affairs, Immigration, Safety and Security) owa li wa pandulwa e tawu pewa ekopi kutya owo dhingi momaulikilo giipindi yondoolopa yaEenhana.
Omaulikilo ngaka oga li ga tameke momasiku 29 gaJuli, noga hulu momasiku 3 gaAguste.
Uuministeli mbuka wiikwameni owa li wu na otenda onene momaulikilo giipindi yaEenhana moka ya li taya yakula oshigwana ngaashi naanaa haya longo iilonga mbyoka koombelewa dhawo.
Opwali tapu monika aantu oyendji potenda ndjika mboka ya li ya pumbwa omayakulo.
Nonando petameko lyomaulikilo giipindi aantu oyendji oyali taya monika momikweyo nopethimbo wo lyokwatoka, ihe mesiku lyahugunina lyomaulikilo giipindi aantu oya ka kala aashona mboka taya kongo omakwatho potenda ndjika.
Ano tashi ti aantu oyendji oya li ya yakulwa.
Methano: Aaniilonga yuuministeli wiikwameni, meme Lavinia Haimbodi natate Jackson Yahengo, taya taamba ekopi lyawo kuMeya gwondoolopa yaEenhana tate Omri-on Kavandje.
