Advertisements
Uunona uyali owa li wa hulithile moshiponga shomulilo sho wa pile megumbo lyawo lyoshipeleki molukanda wedhina Okahandja Park mOvenduka Olyomakaya gaziko.
Uunona mbuka uumwayinathana womadhina Elias Jonathan Ndapwoita gwoomvula hamano naLaimi Penohamba Ndapwoita gwoomvula ne otaku hokololwa wa li megumbo owo awuke sho meme gwawo a li a ya kiilonga ongulohi ndjoka.
Okamwainamati kawo okakuluntu kuyo oka li ka za mo megumbo kaya puushiinda sho omulilo gwa tameke okufika ombashu.
Meme guunona Saveria Shidimba gwoomvula 45 okwa li a hokololele iikundaneki ta ti okwa dhengwa pomutima noku thigwa pomutenya konima yoshiponga shika.
Methano: Omupilima Minista Dr Elijah Ngurare okwa li a thiki koshitondoka.
