Advertisements
Oshituthi shEfukalo shoKomunvo mOutapi osha fukaleke aakadhona ye li 95.
Mboka ya li yi inyolitha molufuko lwonuumvo oya li ya thika po120, ihe aakadhona mbaka ye li 95 oyo ya li ya kutha ombinga molufuko lwonuumvo ndoka lwapu mehuliloshiwike lyapiti.
“Ekuthombinga lwawo otali ulike eitulomo neuvoko lyesimano lyomalalakano golufuko ngoka ge li oku kaleka po omuthigululwakalo noku ulukila ondjila aakiintu mboka yuuka methimbo lyuukuluntu.
“Okathimbo haka otaka ulike ombepo yokuya komeho osho wo uukumwe,” osho aalongekidhi yoshituthi sholufuko ya popi.
Methano: Yamwe yomaakadhona sho taya pitithwa momilandu dholufuko. (Ethano, lyazi kepandja lyOutapi Town Council.)
