Meya gwondoolopa Ongwediva omusita Taarah Shalyefu okwa hogololwa ishewe a ninge mwene ngwondoolopa ndjika.
Ookansela dhondoolopa ndjika odha ningile omahogololo momasiku 20 gaNovemba, e taya hogolola mokati kawo oolye mboka taya kala miipundi yopombanda.
Omahogololo oga shuna wo omupevi-meya gwondoolopa meme Ulalia Katonyala moshipundi she, omanga ngoka a kala omunashipundi gwongundumutima yewiliko tate Fabian George a shunwa mo wo moshipundi she.
Iilyo iikwawo mbyoka ya shuna miipundi yokakomitiye kewilikongundumutima oyo kansela Naemi Amuthenu, kansela Jona Helao, nakansela Ottilie Haitota.
Kansela Mathews Tiyaho, ota kala oshilyo shelelo kashi na oshipundi.
Methano: Meya gwaNgwediva tate Taarah Shalyefu pamwe newiliko lye.
