NamWater okwa gandja etseyitho kutya momasiku 16 gaSepetemba, okuza potundi ohamano yongula sigo oheyali yokomatango, omunino gwomeya gaza kOndangwa sigo Omuntele otagu ka kala gwa patwa.
Shika otashi ningwa molwa eindilo lyehangano DAT JV ndyoka tali ka pagula omunino gu taaguluke opate pehala li li okuza ookilometa ntano momukunda Okashandja.
“Omahala ngoka taga ka kala ga gumwa ongaashi oExtension 24 noGwashamba Mall mOndangwa, osho wo aalongithi ayehe yomunino nguka gwaOndangwa-Omuntele,” omupopiliko gwaNamWater tate Lot Ndamanomhata ta ti.
“Otatu indile aantu ayehe mboka taya ka kala ya gumwa opo ya pungule omeya ga gwana goku longitha muule woowili omulongo nandatu.”
Ihe Ndamanomhata okwa ti kutya iipangelo, oosikola, osho wo oosasiona dhopolisi ngele tadhi ka kala tadhi kongo omeya pampumbwe naya ninge omakwatathano natate Tommy Sheelongo konomola 0811659490, nenge tate Nicodemus Ndemwiimba ko0811455267.
“NamWater ota gandja ombili molwa oshintomongo shino tashi keetwa kepato lyomeya, notatu pula eidhidhimiko lyeni nelongelokumwe sho tatu longo okuhwepopeka eandjaneko lyomeya,” Ndamanomhata tati.
Methano: Omusamane Lot Ndamanomhata.
