Oshigwana shaNamibia otashi lili sha dhengwa pomutima keso lyaMeme Penehupifo Pohamba ngoka a hulitha momasiku 17 gaKotoba.
Onkundana yuuvika ongulonene yohela oya ti kutya Meme Penehupifo okwa hulitha, ano olweendo lwe lwokombanda yevi lwa hulu po.
“Onda haluthwa noonkondo mokuuva eso lyakamalada Penehupifo “Penny” Pohamba, omukondjelimanguluko omukulu, Omunyekadhi gwOshilongo shaNamibia nomukulukadhi gwaPresidende Omutiyali gwoSwapo osho wo Namibia Dr Hifikepunye Pohamba,” osho Meme Sofia Shaningwa a nyola ngeyi komalungula.
“Kaku na shoka andola sha vulu oku tu pupalekitha oomwenyo mokutaamba onkundana ndjika yoluhodhi.
“Oomwenyo dhetu nomagalikano otaga yi kuDr Pohamba, uunona nezimo alihe osho wo oshigwana shaNamibia pethimbo ndika edhigu.
“Natu hekelekweni kohapu yePisalomi 34:19 ndjoka tayi ti: “Omuyuuki ota tsakanekwa kuupyakadhi owundji. Ihe OMUWA ote mu hupitha mo muwo.”
Methano: Meme Penehupifo.
