Ngeenge ou na sha wa hala kushipopya, ngeenge ope na sha tashi ku mbilinga komwenyo woye, ngeenge owa loloka okutala-nokushimwenena, ile ngeenge owa nyengwa koupyakadi wonhumba nowa hala ku ufikifa momatwi oshiwana, tuma ashike okatumwalaka kongodi pauxupi(SMS) ko 0816191968. Tu popyeni vakwetu.

Eefikola odoshali ngoo hano?

  • Vakwetu ame onda lulilwa keefikola tadi pula tu landele ounona vetu omambo ofikola, omanga taku tiwa ngoo ehongo oloshali noita li futilwa vali. Hano omolwashike tu na okulanda omambo noipumbiwa aishe yomunafikola ngeenge kakwali hashi ningwa nale eshi eefikola kwali hadi futilwa? Do eshi eefikola itadi futwa vali ngeno odo ngoo doovene di na ku landa omambo noifo neepena tuu. Oveshi shi ngoo kutya ava tu na ounona vahapu ohatu nyengwa kulanda omambo? Nava popye ashike shapo kutya oshiima shehongo loshali kashi po vali. – Mee Lovisa, Okalongo
  • Natu limeni

Omvula oya loka notayi loko; yaholike natu yeni momapya tu longeni. Aantu inaya kala we ya kuutumba pomahala gomanwino. Kalunga okwa yamukula omagalikano getu sho a lokitha omvula. Ano natu thikameni tu taambe omagano ngoka tatu ga pewa kuKalunga. Ne aanyasha mba mu li moondoolopa kaamu na iilonga, thikameni mu shune komagumbo mu ka longe momapya, ne mu ka galuke nale iilonga yomomapya ngele ya pu. – Maria, Omakango

  • Tangi tate Kalunga

Omukulu wonale okwa tile uha pandula ngovake. Hano ame nandi pandule tate Kalunga eshi e tu lokifila odula. Otwa pandula tate wetu u li meulu, edina loye nali yapulwe, tu pa hano omungome wetu tau di momapya etu neudo. – Mirjam, Endola

  • Ookansela punguleni omeya

Ookansela amuhe nandimu pe omayele ne mu tungile ko. Omvula sho tayi loko ngeyi otashi ti omeya oge ya ogendji noga pitilila nokuli thimbolimwe. Aantu yamwe oya nyanyala molwa omeya ogendji gendji. Ihe konima owala yoomwedhi ndatu nenge ntano omeya otaga ka kala ga pumba ga fa okawe. Ano ookansela kongeni omadhiladhilo mu vule oku pungula omeya ngaka opo ga ka longithwe pethimbo lyokwenye. – Seblon, Ondangwa

  • Okukwiininina montulo

Yakwetu onda lulilwa kaakulukadhi yopaife mba haya kwiinine uunona moondhikwa ndele okanona oke li montulo peha lyokukwiininina kombunda. Shika osha puka nayi nokashi li omuthigululwakalo gwetu. Unene ngaa aanandoolopa, nayeshi hulithe po yakwetu. – Simon, Oshakati