Oshilongo shUukwambi osha li sha gandja iikulya yi ka thike kaantu mboka ya gumwa nayi konkalo ya etithwa komukithi gwombuto yoKorona ngoka tagu endelele mOshitopolwa shaErongo unene moshilando shaMbaye.

Iikulya oya li ya gandjwa kElenga Enene lyUukwambi Tatekulu Herman Ndilimani Iipumbu, ya pewa Gavena gwaShana tate Elia Irimari opo eyi thikithe komunkulofuta.

Iikulya mbika omwa kwatelwa ooshako odhindji dhiilya yomahangu nodhomakunde, osho wo omaliwa.

Egandjo lyiikulya mbika olya li lya ningilwa poombelewa dhElelo lyUukwambi pUukwangula etitatu lyomasiku 29 gaJuli.

METHANO: Gavena gwaShana Elia Irimari ta taamba omagano giikulya kuTatekulu Herman Ndilimani Iipumbu.

Advertisements