Ethipambinzi olya fa FNB
KuVictor Angula /
Kashi na nee kutya omoshimpungu sholudhi luni, mboka haya nongonona ohaya vulu oku mona mo kutya nima nani ethipambinzi.
Mokunongonona nokusomonona kwandje onda koneke kutya nani FNB Namibia oye ethipambinzi (Dracula).
Wa ti ngiini?
Eeno, ethipambinzi olyo ndyoka. Osho nda ti ngaaka.
Shampa nda tala kutya FNB ota mono shike moshigwana shaNamibia, e tandi tala kutya ye ota gandja shike moshigwana shaNamibia, eeno, oshili nayi popiwe. Ethipolyombinzi tuu.
Omathipambinzi ohaga imonikila ngaa nande ga kale taga ulike ga fa ge lile po uuwanawa womuntu. Nokuli olundji ohaga kala ga lungama noonkondo opo gaa ulike omaukwatya gawo ngoka goshili nkene gatya.
Ihe ethipambinzi olya fa ongupa, nenge tuu olyo ongupa, ndjoka hayi kala ya dhamakata owala ya mwena nando owiipupule nonyala. Shila oto kutha okati.
Olundji ethipambinzi ohali kala lya tya omagulu ogendji omaleeleka (tentacles) gi ihanena apehe mpoka, nowaa na nando mpo to lyata itali vulu okuku kwata.
Nokuli omuntu ohi ihupula tuu e ti igilile ethipo lyombinzi.
Omadracula oge na oonkondo odhindji nohaga vulu oku ponda mboka taya uyagana.
Ano Omutumwa, takamitha waaha pondwe.
