Ondjele yondjala muuyuni otayi londo pombanda, nokwa tegelelwa opo onkalo yokwaahe na iikulya ya gwana yi nayipale nuumvo pakuyeleka nomumvo gwo2021.
Iita mbyoka yi li moshilongo shedhina Ukreina otayi ka etitha opo ondjala yi pindjale molwashoka onkalo yiita oya guma nayi oondando dhiikulya muuyuni, noondando dhomahooli, osho wo dhuuhoho.
Uuyelele mbuka tawu popi kombinga yondjala owa gandjwa koAgricultural Bank (Agribank) momukanda wawo wedhina “Market Watch May 2022”.
Agribank okwa popi wo ta ti kutya omvula ndjoka inayi loka nawa, oondando dhomahooli ndhoka dha londo pombanda osho wo omukithi gwoCovid-19 oya etitha opo onkalo yondjala moNamibia yi pindjale.
“MuDesemba go2021, konyala aantu omiliona yimwe moNamibia oya li ya gumwa konkalo yokwaahe na iikulya ya gwana.
“Aalimi yomapya niikunino osho wo aaniimuna oya li ya dhengwa nayi konkalo yoluteni mo2019, ano oshimpungu shuulimimapya nuuniimuna osha li sha gwa pevi pethimbo lyoomwedhi dha hugunina dho2019.
“Shika osha li sha etithwa kiimuna mbyoka oyindji ya sa po.
“Oshimpungu shiikwamapya niimuna otashi ende ngashingeyi tashi yambuka po kashona molwa omvula ndjoka ya loka hwepo mo2021 no2022.”
Methano: Nakaidi kaHalwenya ota indjipala mounyuni. (efano ku-istock)
