Omaudhano gokatanga kokoompadhi ga li ko okutameka momasiku 30 Desemba 2022 sigo 1 Desemba 2023 gedhina Amunganda Annual Soccer Tournament oga li ga enda nawa, ga ningilwa momukunda gwedhina Amunganda mOshana.
Uudhano mboka wa li wa talika koyendji onga waashi ku pitililwa po owa li wokatanga kokoompadhi mboka wa sindanwa po kOnelago United ndjoka yi li hayi dhana moliha ontiyali yomoshitopolwa shaOshana sho ya dhenge osipana yedhina Mulan FC muudhano wahugunina.
Kakele komaudhano nomangeshefelo opwa li wo omayinyanyudho gaahikingalo pehala lyomangeshefelo gomusamane Andreas Nakankeya.
Aahikingalo ya li taya mwenyeke ongaashi D-Kandjafa, Locosound, Om’chacks, Crazy Boy nayalwe yopomukunda.
Pethimbo aahikingalo taya dhana onkandangala nokumwenyeka, oya li taya kwathelwa komambako ga li taga pongololwa kuDj Sebby, Dj Mashaba pamwe naChester Katongo.
Piinyangadhalwa ayihe mbika inapu dhidhilikwa onkalo yuudhudhu nenge yomakuyunguto.
Pethimbo lyegandjo lyoombandi dhaadhani omusamane Herman Kalimbo oye a li a kwatele komeho ewunganeko ndyoka kokapale.
Methano: Onelago United.
