Meya gwaNgwediva tate Taarah Shalyefu okwa li a pitile komeho oshikonga shoku opaleka omudhingoloko gwondoolopa.
Aakalimo oya li ya tsakanene poChicco Mall metitano ethimbo lyongula e taya ende taya toola oombapila niiyagaya momudhingoloko gwomapandaanda omanene nopomahala kehe mpoka tapu monika iiyagaya yoludhi lwombapila, oplastica, nenge ondooha.
Shalyefu okwa ti eopaleko lyomudhingoloko gwondoolopa olya simana oshoka ehala lya yela otali eta uundjolowele osho wo ethano ewanawa kaatalelipo.
Oshikonga shika sheopaleko lyondoolopa ohashi kala ko omumvo kehe.
Methano: Yamwe mboka ya li taya kutha ombinga meopaleko.
