Advertisements
Elelondoolopa lyOndangwa ohela olya li lya gandja omagano giikulya kaakulupe yondoolopa ndjika ye li 200.
Poshiithanene shika sha li sha ningilwa mOluno Community Hall opwa li wo Gavena gwaShana tate Elia Irimari.
Meya gwOndangwa tate Paavo Amwele, osho wo ookansela dhe, oya li ya kala pamwe naakulupe mbaka, e taya popi iipopiwa shi na sha niilonga yondoolopa ndjika yoku humitha komeho oonkalamwenyo dhaakalimo.
Amwele okwa li a pandula aakulupe molwa ondoolopa ye ndjoka yi na engungumano, noihayi uvikila omakanka nomahololomadhiladhilo ngaashi oondoolopa dhimwe.
Aakulupe oya li wo ya tomenwa kOmukwaniilwa gwaNdonga.
Methano: Aakulupe yamwe yaNdangwa taya taamba omagano goKili.
