Methano ndika otamu monika ethamba lyomomuhoko gwokOkaoko, edhina lye Tuarirovandu Kasirua gwomimvo 23, sho a ningi gumwe gwomaantu ya konda pomayuvi gane mboka ya mana nuumvo omailongo gawo gondondo yelongo lyopombanda koshiputudhilo shelongo lyopombanda moNamibia, oUniversity of Namibia.
Tuarirovandu, edhina ndyoka tali ti “twa ningi aantu”, okwa mona ngeyi onzapo ye, ano odigrii, yotango muunaveta.
Ano i ilongela eithano lyoku kala ohahende, nenge tu tye omukalelipo gwopaveta.
Sho ta pewa onzapo ye mOvenduka Tuarirovandu ina zala eguyo ihe okwa li a zala ngeyi omuzalo gwopamuthigululwakalo gwAahimba, e ta tyapula sho a ningi gumwe gwomaalongwantu ya za momuhoko gwAahimba.
Muule wiiwike tayi ya, iiputudhilo yelongo lyopombanda ngaashi oNamibia University of Science and Technology (Nust) noInternational University of Management (IUM) nayo wo otayi gandja oonzapo kwaamboka yeshi enditha nawa momalongo gawo ngoka ga kwata oomvula ndatu nenge ne miiputudhilo mbika.
