Momasiku 28 Novomba, Namdeb okwa gandja ishewe etokolo lye lyokugamenena po uunshitwe waNamibia sho a gandja oshimaliwa shi thike poN$280 000 shi kwathe miilonga yokupatolola moshikunino shiinamwenyo shaHardap National Park.
Iilonga mbika tayi longwa pamwe nUuministeli wOmidhingoloko, Iihwa nOshikondo shAatalelipo otayi tameke moshikunino moka sho mwa ningwa okamba yaapatololi.
Sho a popi poshigongi shegandjo lyoshimaliwa shino omunambelewa gwaNamdeb e nasha nomidhingoloko, Nandehasho Nickanor, okwa ti kutya “moku longela kumwe nUuministeli wOmidhingoloko mokweeta po okamba yokupatolola ndjika, otatu pameke Namibia moonkambadhala dhokukeelela aakongo yaaheli paveta.”
Omutonateli gwomidhingoloko mUuministeli, Tashiya Joseph Tashiya, okwa pandula Namdeb sho ya tula uukuni kumwe nayo miilonga mbika, e ta ti: “egameno lyomidhingoloko otashi pumbwa elongelo kumwe.
“Okamba ndjika yaapatololi yoshikunino shiinamwenyo kayi shi owala ehala, ihe oshinima tashi ulike epondolo uunandoka epangelo opamwe nomahangano gopaumwene taga longele kumwe.”
Methano: Omusamane Nandehasho Nickanor ta gandja oshipatululo shokamba yaatonateli komukambelewa omukuluntu gwoshikondo shegameno lyiinamwenyo yomokuti mUuministeli wOmidhingoloko Bennett Kahuure.
