Ongeshefa yedhina Kuzam Investment cc oya gandja omuzalo gosikola kosikola yaanona yedhina IK Tjimuhiva Combined School mOmakange.
Omagano ngaka oga gandjwa momasiku 15 Apilili, sha ningilwa posikola mpoka, nopwali wo Gavena gwOshitopolwa shaMusati tate Immanuel Shikongo.
Shikongo okwa pandula ooyene yongeshefa ndjika sho ya kutha etokolo opo ongeshefa yi kwathe oshigwana shaMakange mboka itaya vulu oku landela aanona omizalo dhosikola.
Omagano ngaka gomuzalo gwosikola ogali ge na ongushu yoshimaliwa shi thike poN$40,000.
Kuzam Investment okwa gandja wo oondooha dhoohi dhongushu yi thike poN$10,000.
“Otandi pandula Kuzam Investment sho a gandja ngeyi eyambidhidho ndika enene kelongo lyuunona wetu,” tate Shikongo ta ti.
“Olukeno lweni kaanona otashi ulike iilonga ya simana tayi vulu oku longwa koongeshefa dhomoshigwana shetu.”
Shikongo okwa ti melongo, elongelo kumwe ngandika olya pumbiwa noonkondo.
“Onakuyiwa yoshilongo shetu oye ikolelela kelongo lyuunona wetu. Mokuyambidhidha oosikola, oongeshefa ngaashi Kuzam Investment otadhi kwatha opo aalongwa ya kale ye na iipumbiwa osho wo omukumo momailongo gawo.”
Methano: Aaniilonga yaKuzam Investment osho wo aawiliki yosikola naanona yaIK Tjimuhiva taya paathana omagano gaanona.
