Omutumwa oye oshifokundaneki shoshigwana. Ihe Omutumwa ina fa iikundaneki yilwe. Omutumwa ota kala Omutumwa gwoshigwana, ta kala ewi lyaamboka yaa na ewi, omugameni gwaamboka yaa na oonkondo osho wo omukwathi gwaamboka ya dhinika moshigwana.
Oshifo shika itashi ka lila omuntu okathima koluko shi nasha niinima ya pamba eyonagulo lyuuthemba womuntu, ongushu yomuntu nuuwanawa waakwashigwana.
Kashi na nee kutya olye, nando onaga kale ogo omahangano omanene ngoka taga nyokoma aantu mboka yaahe na oonkondo, shampa twe shi uvu otatu nukile po nondjungu. Nenge aawiliki mboka taya longo nalunga itapula, Omutumwa ita kala e na uumbanda oku ya katukila onkatu ye ya sheywa.
Omutumwa ita kala owala ta toola oonkundana dhiiningwanima moshigwana. Ihe ota kala wo a pyakudhukwa oku taamba omakemo nomanyenyeto goshigwan e tega konaakona noku ninga omapulaapulo sigo kwa adhika ekandulo po lyomukundu.
Namibia osho oshilongo shetu, notu neni okushi tunga nomamanya ga kola ngaashi oshili, uuyuuki, nesimaneko lyuuthemba womuntu. Oongodhi hoka taku ningilwa ko ekwatathano nOmutumwa odho 0813773399 / 0816191968.
Methano oye Omutumwa mOshiwambo Martin Negumbo.
