Methano ndika otamu monika ondjila ndjoka yaza koTsandi yu uka sigo okOnghulumbashe, hoka wo oko ku na omaendo gomapendafule pehala hali tiwa Omugulugombashe.

KOnghulumbashe hoka oku na oosikola oshowo okilinika, noku na aakalimo oyendji momikunda dhomoshikandjohogololo shaTsandi.

Ihe ondjila ndjika ohayi uvitha nayi aakwashigwana yaahoka molwashoka uuna kwa lokwa unene ohayi ningwa iilambo komeya, shoka sha nika oshiponga kaayendi yomiihauto.

Omvula yomasiku ngaka oya li ya ningi omukanka gwa taaguluka opate ngaashi tagu monika mpano, e tashi eta uudhigu kaalongithi yondjila ndjika unene tuu mboka haya hingi uusiku.

Okati kowala hoka ka tulwa okandooha oko ka li ka ningwa endhindhiliko lyomopate oku londodha aahingi yiihauto kutya pehala mpaka opwa nika oshiponga.