Advertisements
Aanambelewa yehangano lyaatoolinkundana yaNamibia lyedhina NAMPU oya li ya tsakanene naanambelewa yehangano lyaatoolinkundana yaAfrika lyedhina Federation of African Journalists.
Mbaka oya li ya tsakanene moshiithanene shedhina World Press Freedom Day shoka hashi eta pamwe aatoolinkundana naaniilonga yiilonga ya pamba iikundaneki omumvo kehe.
Nuumvo oshiithanene osha gongala mOvenduka okuza momasiku 29 Apilili sigo 3 Mei, oku tyapula wo esimano lyondokumende yedhina Windhoek Declaration ndjoka ya li ya nyolelwa mOvenduka momumvo 1991, nongashingeyi oya gwanitha oomvula 30.
Aatoolinkundana yaNamibia methano ndika oyo Charmaine Ngatjiheue, Sakeus Iikela, Jemima Beukes naEdward Mumbuu.
