Aahikingalo naya yambidhidhwe pashimaliwa
kuMartin Negumbo|
Onkalo sho tayi humu komeho otayi endele pamwe niinima iiwanawa tayi ningwa kaahikingalo.
Aantu oyendji yomapipi ga yoolokathana, aakokele naanyasha, oye li haya pulakene noye hole okupulakena iihikomwa yomaludhi ga yooloka.
Aahikingalo nonando taya kambadhala oku ndjeka po oshikondo shoongalo opu na omainda ngoka tage ya yi moshipala notage ya kateke oku imba oongalo odhindji nokudhi pititha.
Aahikingalo otaya pumbwa ekwatho lyopashimaliwa opo ya fute iikwelengendjo kwaamboka haya recordele aahikingalo.
Aayimbi mboka ya hiki nale monakuziwa oya li haya mono omakwatho okuzilila kiikondo ya yooloka, nongashingeyi oye li mo nawa mondoolopa, omanga aahikingalo aape unene uumatyona nuukadhona otawu nana nondatu oku eta po oongalo nonando oshitalenti oyeshi na.
Onkene otandi indile unene aanangeshefa noohandimwe opo tu yambidhidhe uumatyona mboka tawu kambadhala oku nyanyudha oshigwana niihikomwa.
Oongalo odha simana molwashoka ohadhi longithwa piituthi yomanyanyu, peebraai, nosho wo moondunda dhomanwino, nomiiyenditho wo.
Oongalo odha simana oshoka dhimwe odhi na omatumwalaka taga tungu oshigwana shetu, naanona otaya vulu oku kutha mo sha.
Ano ngele itatu yambidhidha pashimaliwa opo oshikondo shoongalo shi hume komeho otatu ki iyadha kaatu na we aahikingalo taya pititha oongalo oompe oshoka oya teka omukumo molwashoka ihaya mono eyambidhidho lyoshigwana.
