Ohela osikola yedhina Eluwa mOngwediva ndjoka hayi putudha aalongwa mboka ye na uulema womeho (ihaaya mono ko nenge haku tiwa aaposi) naambono ye na uulema womakutsi (haku tiwa oombolo) oya li ya talelwa po kaayenda.

Mokati kaayenda omwa li Omukalelipo gwaJapan koNamibia tate Harada Hideaki, osho wo Omupevi-minista gwelongo meme Faustina Caley mboka ya li ye ya ke egululo lyoongulu dhosikola dha tungwa pa yambidhidho lyoshimaliwa sha za koJapan.

Uunona mbuka tawu dhana ngeyi iidhano yOshiwambo tawu mwenyeke aayenda noku pandula Japan sho e ya tungile oongulu ne dhongushu yoshimaliwa shoodola dhaNamibia 925,000, awuhe ihawu mono ko.

Ihe ngele omuntu ina lombwelwa sha ota zi po owala ta ti uunona owu wete ko oshoka otawu dhana melandulathano ngaashi ngaa uuntu u wete ko.

Uumati nuukadhona otawu dhana ngeyi mpaka tawu imbi tawu ti: “twa pandula vaJapani vetu”.

Methano: Eluwa Resource School Visually Impaired Cultural Group.