KuMartin Negumbo|
Kanainda Talitsana oye omugundjuka gumwe a tokola oku pa mo oshigwana moongalo.
Talitsana nande oku li kamatyona ha ka yambuka mOmaalala mOndonga oku na oshitalenti shoku imba oongalo nota gwedha komwaalu gwaaimbi moshilongo.
Onkalo nande hayi kala ondhigu uuna tashiya kiikwelengendjo yiihikomwa mbyoka yi na ondilo, Talitsana okweshi pondola oku hika uungalo uhetatu moka a thamuna mo uyali owo dhingi: ‘Penge Odola’ osho wo ‘Together’ mboka kwali ta kwathelwa moku imba ku Tate Zetta e li omukalimo gopwAmunganda.
“Otandi pandula Kalunga sho a pe ndje omagano goku imba osho wo olupandu otandi lu pe aayambidhidhi mboka ya kwatha ndje pashimaliwa opo ndi fute omabiita giihikomwa yandje,” Talitsana ta ti.
“Otandi pandula wo mboka ye hole nohaya dhana uungalo wandje. Ondi ipyakidhila nokuya pa iihikomwa mbyoka taya panda.”
Mboka yemu kwatha ongaashi: Zidane Makili, Mekondjo Kalulu, Dr Nambambi, Kalifeni, Vilho, Pau Matemba, Paules, Lukas Nangolo osho wo Tate Nainda.
“Ota ndi ka holoka wo koradio Shipi FM omasiku tage ya opo ndi ka tseyithile oshigwana shoka nde ya telekela moshikondo shiihikomwa,” Talitsana ta popi.
Methano: Talitsana okamati haka yambuka pOmaalala notaka hiki oongalo dhopashinanena.
