Ondoolopa yaShikuku otayi tungu endiki tali ka kala lya pungula iithigululwanima (cultural heritage) ndyoka tali ka hila aatalelipo okuza moshilongo osho wo pondje yoshilongo.
Omatungo gendiki ndika ngoka gapwa nale, osho wo iilonga yokulongekidha evi nokuli tula mondhalate moka muna endiki, ayihe oya pula nale oshimaliwa shi thike poN$3,870,000 (ano oomiliona ndatu oshinkwanu hetatu) okuza nkene iilonga yokwetapo endiki ya tameka mo2015.
Uuyelele mbuka owa gandjwa komunambelewa e na sha neyambulopo mElelondoolopa lyaShikuku tate John Siloiso.
Siloiso okwa ti wo kutya shoka sha longwa po omwa kwatelwa oondunda hamano dhokulala, ehala lyokuyothela onyama pu na wo uundjugo, ondama yokumbwinda (oswimingipula), egumbo lyopamuthigululwakalo, ondunda yokuyogela, etungo lyoombelewa, osho wo okambelewa komutonateli gomaliko.
Iimaliwa tayi tungu endiki ndika oyaza kUuministeli wEhumithokomeho lyOondoolopa nOmahala goKomikunda.
Methano: Ehala lyokuyothela onyama. Okathano okashona oko etungo lyoombelewa dhendiki.
