Ehangano lyedhina Rob Youth Foundation (RYF) olya li lya gandja omuzalo gwosikola kaanona yoosikola dhomadhina Tutaleni Primary School naKuisebmund Secondary School mOmbaye ohela.

Sho a popi peha lyuuministeli welongo, omuhungimwenyo moosikola dhoshitopolwa shaErongo, meme Yvonne Tjerivanga, okwa li a pandula oRYF kekwatho ndika, e ta gwedha ko ta ti Namibia okwa kala oomvula mbali e li muupyakadhi weetwa koCovid-19 shoka she etitha omaso ogendji osho wo oyendji moshigwana oya kanitha iilonga.

Shika osha li she etitha opo aanona oyendji ya kale kaaye na aayambidhidhi komagumbo, unene tuu miipumbiwa ngaashi omizalo dhosikola.

Methano: Aanasikola yosekundosikola yaKuisebmund taya pewa omuzalo omupe.