Advertisements

Aakriste oyendji yOshitopolwa shaHangwena oya shashwa, ihe inaya itedhulula. Yo itaya ulike iiyimati yehupitho.

Ndhika odha popiwa komusita meme Kaino Tuyenikelao Shinana Lwenya sho a ningi euvitho lye pethimbo lyomagalikano nomagalikaneno gokukandula po iiponga yomoondjila, omahepekathano, omadhipagathano, omikithi, noshotuu omaupyakadhi ogendji ngoka ge li mOhangwena.

Omagalikano ngaka ga li ga ningwa mulyotango lyaApilili ga ningilwa mEenhana oga li ga eta pamwe aakriste ye thike lwopomathele gatatu nomilongo ntano ya za komahala gomoshitopolwa osho wo koongeleka dha yooloka.

Moshipopiwa she sheuvitho shoka sha li shi na oshipalanyolo tashi ti: “Twelidilulula nee, twa xupifwa nee paife” omusita Lwenya okwa ti eyitedhululo lyashili olyo owala tali kandula po omaupyakadhi.

Omusita Lwenya okwa lesha oohapu dhAafilipi 3: 12-14, ndhoka tadhi popi elalakano lyomukriste, ndyoka olyo okuyimika iiyimati iiwanawa, iiyimati yopaukriste, iiyimati yehupitho.

“Oku kala puKristu oko elikolo linene. Oku kala puKristu oko oku imika oiimati ngaashi ei: ohole, elineekelo, oudiinini, nombili mokukalamwenyo kwetu,” Omusita Lwenya ta ti.

“Moshitopolwa shetu shaHangwena ovanhu vaKalunga ovashashwa, ndele oilonga tai longwa mOhangwena yetu oikumwifi. Oilonga itai ulike oiimati yexupifo.

“Ovanhu otave lidipaa, tashi ulike kutya oiimati yexupifo kai mo mufye. Omunhu tadi kwinya a uka oko a ka kufe mo omwenyo womunhu waKalunga, vaKriste otwa pumbweni oku longa noudiinini tu ulike oiimati yexupifo.

“Momaumbo kamu na ombili. Pomaushiinda kape na ombili.

“Otwa pumbwa okukotokela omakoto aSatana, ou ta ti inda u ka vake, inda u ka dipaye. Satana teku heke, tekukotokele. Onghee nee otwa pumbwa okukondja.

“Otu lyeni momaluhepo shili. Ashike nyamukula Saatana to ti, ae opashangwa, inovaka. Popya mokule nde Satana teku i onhapo. Alikana nde Satana ta faduka po. Kehole eilikano.

“Hano oiimati yexupifo oyo ohole, ombili enyanyu, onhalanheni, ediminafanopo.

“Moshiwana shetu kamu na vali edininafanepo. Tu lidiminafaniipo vaholike. Tu kaleni nohole. Tukaleni nombili. Oshiwana kashi na ombili. Oshiwana kashi na enyanyu. Oshiwana oshanyemata.

“Kounyuni oku oku na omaupyakadi shili, ashike tu kondjeni tu kale nombili. Tu longeni noudiinini tu ulike oiimati yexupifo.”

Methano: Omusita Kaino Lwenya pamwe naasita yakwawo pethimbo lyomagalikaneno.