Namdeb, ehangano-ngeshefa ndyoka hali mina okawe, olya koneke kutya momudhingoloko moka haya longele omwa kala oshimbungu sholwaala olundjimbi.
Shimbungu nguka oye gumwe goludhi lwomambungu ndoka lwa pumbwa nohalu adhika owala miilongo ngaashi Namibia, Botswana, Zimbabwe, Mozambique, South Afrika osho wo Eswatini.
Okuza momumvo 1997 Namdeb okwa kala ta yambidhidha endiki lyedhina Brown Hyena Research Project, opamwe nUuministeli wOmudhingoloko, Iihwa nOmatalelopo, mboka haya ningi omapekapeko nokutula po omilandu opo ku gamenwe oludhi nduka lwashimbungu omundjimbi.
Shimbungu nguka oha kala miitopolwa yokomafuta hoka ha kongo oombwa dhomefuta.
“Namdeb ota tsikile noku ninga omapekapeko gowina oku tala nkene omambungu ngaka haga inyenge mokukonga uuhupilo momahala ngaashi Elizabeth Bay naPokcet Beaches opo tu tseye nkene iilonga yoomina tayi gumu oshinamwenyo shika,” meme Dene Namukomba ta ti ngaano.
Namukomba ngoka oye omunambelewa enasha nomindhingoloko mehangano Namdeb okwa gwedha ko ta ti shimwe shoka ye ilongo osho shono kutya oku kwatela po uunshitwe kashishi oshinima tashi yi moshipala iilonga yawo yoomina ihe osho omukalo omuwanawa woku kwatela po onakuyiwa.
Methano: Namdeb okwa li a gandja oshihauto shika opo shi longithwe miilonga yomapekapeko goku gamena embungu endjimbi.
