Miss Namibia Chelsi Shikongo ota galuka ko koIsrael hoka uukadhona-dhingi wiilongo yuuyuni wa ningi omasiku tawu kutha ombinga methigathanopo lyokukonga okakadhona-dhingi kuuyuni methigathanopo ndyoka haku tiwa oMiss Universe lya hulu mOsoondaha.
Nonando oMiss Universe yonuumvo oya sindanwa po kokakadhona okaIndia kedhina Harnaaz Sandhu, okakadhona kaNamibia Chelsi otaka tangwa koyendji molwashoka oka longa ko shi shi kupandulwa koIsrael hoka.
Oyendji oya li ya nyanyukilwa okustapa kwako osho wo eholokepo lyako komeho gaantu.
Ethigathanopo olya li lya kukuta sho aantu yuuyuni oyo ya li taya hogolola pamakwatathano gopaungomba.
Iilongo yimwe oya li ya tindi opo uukadhona wawo wu ye ko kethigathano ndika oshoka olya ningilwa moshilongo (Israel) sha talika ko kutya ohashi yi moshipala uuthemba waantu molwashoka epangelo lyoshilongo shono olya kala lya tula po omilandu tadhi kolonyeke oshigwana shaaPalestine shoka shi li moongamba dha Israel ihe oya talika ko kutya kayeshi aakwashigwana.
Ihe iilongo ya thika pomilongo hetatu oya li ya holoka kethigathanopo ndika lya ningilwa mondoolopa yedhina Eilat moIsrael moka. Noyendji oya hokolola ethigathanopo lya enda nawa.
Methano: Chelsi Shikongo. (Image courtesy of Unknown photographer).
