Ku Martin Negumbo|
Dave naKatupose nayo oya honga noya pititha oalbuma ontintatu tayi ithanwa “Omafrende Gandje”.
Oalbuma ndjika oya landula ooalbuma mbali dha pita nale omimvo dhayi, yotango “Money Zone”, nontiyali “Voyage to Success”.
Uungalo tawu hokitha nowu holike moalbuma ompe ongaashi “Lovisa”, “Kamwaina”, “Tuli Meekamba”, “Faafanifa Onkalo”, “Uuyuni mbu” osho wo “Kukuta”.
Okutula kumwe uungalo niikwelengendjo oyali ya ningwa ku Chrisli Studio mOutapi nosho woo ko Loco Sound Studio koshilandopangelo.
Uumatyona mbuka nande opo we ya moshikondo shiihikomwa otawu ulike omulilo omuzizi gwa tema nawa notagu hokitha aaholi yoongalo.
“Eengalo odha simana,” Dave ta ti ngawo. “Esimano lyeengalo oli li mpano kutya ohadhi gandja etumwalaka inaali holama nohali thiki momakutsi gomupulakeni nuupu tashi endele pamwe nenyanyu tali hunga.”
Katupose okwa gwedha po ta ti: “Oongalo otadhi dhana onkandangala pamikalo dha yoolokathana moshigwana, notadhi hokitha oshoka ohadhi vulu ku dhanwa piituthi ya yooloka mbi yenyanyu naambi yomaudhigu.”
Ekwana Dave na Ekwana Katupose ngoka a tseyika koyendji nedhina Tupopye otaya pandula aalandi yuuCD wawo naaholi yeengalo ndhika. UuCD otawu adhika poBrothers Chill, Piano Hub, Pub Eewa Tuu mOutapi.
MOshikuku opo Champions Pub, mOkahao opo Classic Pub, nosho woo poongeshefa kehe dhomahooli moshilongo ashihe.
Uuna wa hala okaCD kwatathana nOmakwana Records ko 0813205543.
Methano: Omakwana Dave naKatupose.
