Meme Saara Kuugongelwa-Amadhila ota ulike teshi enditha nawa shi vulithe yakwawo mboka ye li molukongo lwoku lalakanena oshipundi shuupevi presidende wongundu Swapo.
Omwedhi tagu ya Swapo otayi ka hogolola ngoka ta ka ninga omupevi presidende gwongundu.
Naashoka oshikako shatate Hage Geingob shuupresidende woshilongo tashi ka pwa ko, ye noita kala we presidende gwoSwapo, ano ngoka ta ka kala oye omupevi presidende gwongundu oye ngaa ta ka ninga omupresidende gwongundu, e ta yi wo momahogololo guupresidende woshilongo ngoka taga ka ningwa muNovemba gwo2024.
Mboka taya lalakanene oshipundi shuupresidende wongundu ongaashi Meme Netumbo Nandi-Ndaitwah, Meme Saara Kuugongelwa-Amadhila, osho wo Tate Pohamba Shifeta.
Tate Jerry Ekandjo naye wo okwa hala mo mondambo. Ihe edhina lye inali za mo wo tuu nawa ngele ota ka ya mo nenge aawe.
Sho ngeyi mboka ye na omadhina ga pewa okangombe taya ende nale taya ningi iikonga yawo yomahogololo, ano taya talelepo aakwaSwapo aakwawo kiitopolwa opo ya mone eyambidhidho, noku nwetha mo mboka taya kaya koKongresa muNovemba, osha fa ngaa tashi ulike Saara Kuugongelwa-Amadhila ta taambwa ko nawa.
Methano: Saara Kuugongelwa-Amadhila.
