Meme Netumbo Nandi-Ndaitwah okwa hogololwa a kale omupevipresidende gwongundu Swapo momahogololo ga ningwa nena mOvenduka.
Nandi-Ndaitwah okwa yambuka mo nomawi 421, a dhenge mo meme Saara Kuugongelwa-Amadhila ngoka a mono mo omawi 270, natate Pohamba Shifeta ngono a mono omawi 91.
Meme Sophia Nahango Shaningwa okwa hogololwa a shune mo moshipundi shuuhamushangwa omukuluntu gwongundu sho a mono mo omawi 440, a dhenge mo tate Armas Amukwiyu ngoka a mono omawi 343.
Oshipundi shuupevi amushanga omukuluntu inashi sindanwa po oshoka kapu na ngoka a mono mo omawi ga pita po poopelesenda 51.
Mboka ya li ya yi momahogololo oyo tate Uahekua Herunga a mono mo omawi 363, meme Eveline Taeyele-Nawases ngoka a mono omawi 326, natate David Hamutenya ngoka a mono omawi 92.
Ihe okwa tokolwa opo tate Uahekua Herunga natate David Hamutenya ya ka shune mo momahogololo opo pu ze gumwe ngoka ta ka kutha po oshipundi shika.
Methano: Omupresidende gwopevi gwoSwapo Netumbo Nandi-Ndaitwah.
