Koombinga dhiikandjohogololo oyindji yOshitopolwa Oshana omeya gefundja otaga ende taga shuna pevi, ihe Oshikandjohogololo Ondangwa yOndoolopa osho tashi monika shi na omeya taga endelele notaga londo pombanda natango.
Shika oshapopiwa nena komukuluntu gwendiki lyUuministeli wOmauyelele nIilonga yUungomba Hileni Mwandingi sho a gandja olopota kombinga yuupyakadhi wefundja.
“Moshikandjohogololo Uukwiyuushona omu na okantopa pOnakamwandi ka tungwa niipilangi oshowo oopaala dhiiti, ihe okantopa oka kala ke li monkalo ombwinayi sho oopaala dhimwe dha kala dha yakwa ko, ano ngashiingeyi okantopa haka itaka longithwa nande, yo aakwashigwana kaye na mpoka ye na okutagulukila,” Mwandingi ta ti.
Methano: Hileni Mwandingi
