Konyala kehe esiku moNamibia otamu si omuntu, yaali nenge yatatu molwa omukithi gwokorona ngoka pambelewa haku tiwa oCovid-19.

Sigo okonena ndjika Namibia okwa kanitha aantu ya sa kokorona ye li 116.

Minista gwaNamibia gUunamiti nUundjolowele wOshigwana Omundohotola Kalumbi Shangula okwa popi ohela kongulohi ta ti okuza nkene oshivu shomukithi gwokorona sha ndhindhilikwa moNamibia, aantu ye thike pomayuvi omulongo omathele gahamano naantu yaheyali (10607) oya monika ye na omandhindhiliko gomukithi nguka.

Ye li omayuvi gahetatu omathele gatatu naantu omilongo ntano nomugoyi (8359) oya aluka komukithi, ihe ye li omayuvi gaali ethele naantu omilongo ndatu nayaali (2132) natango otaya lumbu nombuto yomukithi nguka.

Naantu yatatu yomuyo oya si ohela.

Ohela aantu aape omathele gaali omilongo ne naantu yaheyali (247) oya li ya monika ya kwatwa komukithi.

Methano: Meme ngoka ta fumvikwa mpaka okwa li oye gwotango a li a mana oondjenda mOshitopolwa shaHangwena, nokwa li a fumvikwa mEenhana petameko lyomwedhi gwa zi ko.