Advertisements
Omvula ndjoka ya li ya loko nawa iiwike iyali ya piti oya etela aalimi yomapya omukumo netegameno ewanawa konima sho omitima dha li dha lindimana komutenya ngoka gwa li gwa lungunitha po omapya muFebuluali.
Ngashingeyi omapya ogendji otaga monika nawa.
Oshitopolwa shaMusati osho shimwe sha li sha dhengwa unene komutenya, iilya e tayi si po; ihe ngashingeyi aantu oya nyanyukwa sho Kalunga iha dhipagelwa oyana. Omvula oya loko noonkondo iilya e tayi yumuka po.
Omasiku ngaka egulu olya londa ishewe ihe oyendji oya tegelela ngaa kutya ngele shiyanga oya ka dhenga po ngaa ishewe omata omawanawa aantu otaya ka mona eteyo li li nawa ngaa.
