Omupresidende gwaNamibia Hage Geingob okwa thika ohela moshilandopangelo London shaUnited Kingdom, noku li ngashingeyi moshituthihupulitho shomukwaniilwa nakusa Queen Elizabeth II.
Ohela kongulohi Omupresidende Geingob okwa tsakanene nOmukwaniilwa Charless III megumbo lyuuwa wAaUK moBuckingham. Charless III gwomimvo 73 oye a landula yina moshipundi shuukwaniilwa konima yeso lyaElizabeth ngoka a mana oondjenda oshiwike sha yi.
Elizabeth okwa li a lele ongomukwaniilwa gwaUK uule womimvo 70.
Oshituthihupulitho shaQueen Elizabeth osha tameka nena ongula notashi kalwa kaanenentu yuuyuni, aakwaniilwa nomitse dhiilongo oyindji, unene tuu mbyoka ya li ya kolonyekwa kuBritain.
Methano: Omupresidende Hage Geingob sho a thiki muLondon.
