Iilongo oyindji mbyoka yi na ondjokonona yekwatathano naNamibia oya li ya tumu aakalelipo yayo koshituthifumviko shOmupresidende Hage Geingob ngoka a fumvikwa momasiku 25 gaFebuluali 2025.
Iilongo oyindji oya li ya kalelwa po kooperesidende yiilongo mbyoka.
Iilongo yimwe mbyoka oyindji oyaAfrika ongaashi Botswana ngoka a kalelwa po kuPresidende Mokweetsi Masisi, South Afrika a kalelwa po kuPresidende Cyril Ramaphosa, Zimbabwe a kalelwa po kuPresidende Ermerson Mnangagwa, Angola a kalelwa po kuPresidende Joao Lourenco, Mozambique a kalelwa po kuPresidende Philipe Nyusi, Malawi a kalelwa po kuPresidende Lazarus Chakwera, DRC a kalelwa po kuPresidende Felix Tshisekedi, nosho tuu.
Kondje yomafuta okwa li kwa za Presidende gwaFinland (Soomi) Sauli Niinisto, nOmupresidende gwaGermany Frank-Walter Steinmeier, Qatar a kalelwa po komuwiliki gwasho Sheikh Tamim bib Hamad Al Thani, nosho tuu.
Methano: Omupresidende Sauli Niinisto ta thiki mokapale mOvenduka poshituthidhimbuluko shanakusa Geingob.
