Namibia okwa ningi ondjokonona sho oye oshilongo shotango muumbugantu wenenevi Afrika oku hogolola omukiintu a ninge omuleli gwoshilongo.
Shika osha ningwa sho oKomisi yOmahogololo yaNamibia ya tseyitha momasiku gatatu gaDesemba gwo2024 kutya meme Netumbo Nandi-Ndaitwah oye a sindana po omahogololo guupresidende ngoka ga ningilwe momasiku 27 November 2024.
MuAfrika omukiintu gwotango oku hogololwa a lele oshilongo okwa li meme Ellen Johnson-Sirlief gwaLiberia ngoka a li a hogololwa momumvo e ta kala koshipundi okuza 2006 sigo 2018.
Yalwe mboka ya li ya lele iilongo yawo moshipundi shuupresidende ongaashi meme Joyce Banda gwaMalawi, ngoka a li a lele oshilongo shawo momumvo 2012 sigo 2014.
Banda, ongaashi omupresidende gwaTanzania meme Samia Hassan Salufu, okwa li a pingenepo omupresidende ngoka a li koshipundi, ihe Banda yemwene ka li a hogololwa koshigwana.
Salufu okwa yi koshipundi mo2021 konima yeso lyomupresidende kwali gwaTanzania John Magufuli.
Nandi-Ndaitwah okwa yi ngashingeyi koshipundi sho a hogololwa koshigwana.
Okwa zi mo nomawi 638,560, a dhenge mo yakwawo ye li 15. Ngoka a li e mu li popepi oye Dr Panduleni Itula gwongundu yoIndependent Patriotic for Change ngoka a li a zi mo nomawi 284,106.
Methano: Omupresidende a hogololwa Netumbo Nandi-Ndaitwah sho ta taamba ko iizemo yomahogololo.
